Bio

Poliki-poliki 3gabe2-ren ospea zabaltzen zihoan eta 2011. urtearekin batera hasi ziren iristen kontzertu potoloagoak emateko aukerak. Urteko 30 kontzertu inguruko erritmoan jarraituz, emanaldi txikiak (Villodas, Derio...), ohikoak (Doka, Gasteizko Gaztetxea, Mutriku...) eta handiak eman zituen taldeak.

Azken horien artean aipatzeko modukoak dira Azpeitiako San Inaziotan emandakoa, Goizuetako Gaztetxearen 25. urteurrenekoa eta batez ere, Donostiako Piratek antolatuta Donostiako Aste Nagusian emandakoa. Lehen aldiz, jendetza benetan handiak eduki zituen parean 3gabe2-k. Kasu gehienetan, aurretik edukitako taldeen maila zen kopuru hori elkartzearen arrazoia: Esne Beltza, Bongo Botrako, Def Con Dos, Hamlet, Vendetta...

Berriro ere Garazi (Kantuki) ordezko moduan ibili bazen ere, garai hartako berritasun handiena Martinen etorrera izan zen. Ioritzek Estatu Batuetarako bidea hartu zuen hilabete batzuetarako eta udatik aurrera Martinek hartu zuen bere lekua gitarra eta teklatuarekin.

Abestiei dagokionez, urte hartan sartu ziren errepertorioan Vendettaren Egunero, SA-ren Pauso bat edo Reincidentesen Vicio.

Formazioa:

Jokin -> Bateria

Tomax -> Baxua eta Mandolina

Martin -> Kitarra eta teklatua

Arruti -> Kitarra, trikia eta ahotsa